Drejtori sportiv i Interit Piero Ausilio ka folur për merkaton zikaltër, menjëherë pas përfundimit të prezantimi të mbrojtësit turk Çaner Erkin. Ai ka sqaruar një sërë çështjesh te klubi interist në lidhje me merkaton verore, ku foli për kapitenin Icardi i cili do të qëndrojë të bashkëpunojë edhe për një vit me trajnerin Mancini. Gjithashtu drejtori i zikaltërve sqaroi me detaje politikën e merkatos që po ndiqej nga klubi interist.
“Icardi dëshiron largimin? Nuk jam i zemëruar, thjesht mu desh të punoja pak, në një ditë të diel që duhej të ishte pushim. Ishte diçka pa vend dhe jo në kohën e duhur, sepse për këto gjëra duhet folur privatisht. Ikardi ka rinovuar para një viti, është kapiten dhe nuk është në shitje”.
“Zhoao Mario? Është i zoti, por shumë i shtrenjtë. Nuk kemi nisur bisedime, thjesht po e ndjekim.
“Gabriel Zhezus? Situatën e kanë në dorë lojtari dhe Palmeirasi. Janë thuajse 10 klube të mëdhenj që e kërkojnë, disa janë nisur para nesh, të shohim nëse projekti i Interit i pëlqen më shumë.
“Berardi? Nuk kam folur kurrë më parë për të. Kërkuam informacion nëse mund të bisedonim me lojtarin dhe nëse ishte në shitje, por na u kthye përgjigje negative, kaq.
“Kandreva? Nuk kemi bërë asnjë lloj oferte, edhe pse na pëlqen si lojtar.
“Santon ishte rpanë Sunderlendit, por nuk gjeti marrëveshjen finale. Për Murijon nuk kemi marrë asnjë ofertë, për Zhuan Zhezus kemi ofertë nga Roma”.
Lexo gjithashtu
