Milan dhe Rafael Leao prej muajsh janë në bisedime për të zgjatur marrëveshjen mes tyre, por palët nuk kanë mundur të gjejnë gjuhën e përbashkët.
Por sipas “La Gazzetta dello Sport” raportohet se tashmë raportet mes tyre janë prishur dhe portugezi është gjithmonë e më larg kuqezinjve. Kontrata aktuale e lojtari përfundon në qershor të vitit 2024.
Më shumë “dritë” mbi këtë temë hodhi dhe drejtori sportiv i Milan, Ricky Massara, i cili shpjegoi me pak fjalë arsyet e “zvarritjes” së nënshkrimit të kontratës së re.
“Ne po përpiqemi të gjejmë një zgjidhje me pronarët që ai të rinovojë kontratën, si Giroud. Ne duam t’i mbajmë për një kohë të gjatë lojtarët tanë dhe po punojmë për këtë, por për momentin nuk ka ndonjë lajm të madh”, tha drejtuesi i klubit italian për “Sky Sport”.
Chelsea dhe Manchester City kanë qenë emrat më të interesuar për Rafael Leaon, i cili, nëse largohet nga “San Siro” verën e ardhshme, do të vlejë rreth 100 milionë euro”, është shprehur Massara.
Në të njëjtën kohë, negociatat mes klubit dhe sulmuesit nuk po përparojnë. Ende nuk ka marrëveshje për pagën e ardhshme të sulmuesit dhe as për klauzolën e lirimit të tij, e cila aktualisht është 100 milionë euro.
Lexo gjithashtu
