Të marrësh përsipër të bësh një punë të rëndësishme, sigurisht që është përgjegjësi e madhe. Por, kur e bën atë me pasion, padyshim që frytet do të jenë të kënaqshme. Një rast i veçantë vjen së fundmi nga Shtëpia e Fëmijës “Zyber Hallulli”.
Reme Lala ka surprizuar një nga vajzat e kësaj shtëpie në bashkëpunim me klubin e Tiranës. Drejtoresha e Përgjithshme e Shërbimit Social Shtetëror i ka bërë realitet ëndrrën vogëlushes me emrin Belkisa.
Zemra e saj rrihte vetëm dy ngjyra, bardheblu. E në këtë mënyrë, “lëkura” e saj e dytë do të kishte vetëm këto nuanca. Bashkë me drejtoreshën e klubit të Tiranës, Lala ka treguar se Belkisa do të jetë pjesë e skuadrës së Tiranës. Afrimi më i ri për skuadrën e vajzave bardheblu, tanimë me një lojtare të re që do të japë maksimumin për të qenë në piedestalin e suksesit.
Emocionet në këtë ditë të veçantë nuk kanë munguar për drejtoreshen e SHSSH që në Instagramin e vet shkruante:
“Belkisa, një nga vajzat më tip të Zyber Hallullit e që ka 6 vite që qëndron në tonë, nuk e ka pasur të vështirë ta ma fitojë zemrën menjëherë. Vogëlushja me shpirt rebel, por që mua më pëlqen ta quaj një shpirt i lirë, në dukje moskokëçarëse por që jep përqafimet më të ngrohta në botë, që prej ditës së sotme është zyrtarisht pjesë e ekipit të vajzave të reja të KF Tirana. Një ëndërr shumë e hershme e saj, që ia premtova vetes se do t’a ktheja në realitet, sigurisht duke pasur pranë vetes miq e partnerë të jashtzakonshëm si @goldi_halili dhe i gjithë ekipi.
Kur Belkisa u emocionua prej lajmit të bukur, e gjeta dhe unë veten të prekur.Por jo vetëm kaq. E ndjeva vërtetë që bëmë një punë të mirë, nga ato punë që i ndryshojnë jetën një vajze të vogël me fëmijëri tmerrsisht të vëshirë por me një të ardhme tashmë që premton veç dritë.
Thonë se kur ke edukuar, mbështetur dhe çuar në rrugën e drejtë një vajzë, kë çuar në rrugë të drejtë një komb. Belkisa do bëhet një vajzë e suksesshme, do kthejë rrotën e historisë së jetës së saj e do mësojë në të njëjtën udhë edhe fëmijët e saj nesër.
E dua shumë këtë punë që bëj. Ajo psherëtima në fund e qetësimit “U bë dhe kjo!”, më mban shpirtin e pasionin gjallë e më bën të reflektoj çdo ditë për impaktin që kemi tek njerëzit, sa herë veprojmë me zemër jashtë kornizës së asaj çka jemi me të vërtetë të detyruar të bëjmë sipas funksionit publik që kemi.
Nuk e di se ku do të jem unë pas disa vitesh, por diçka e di me siguri, në stadium për të ndjekur Belkisën teksa shënon golat e fitores, do jem duke i ndjekur me të njëjtin emocion siç ndjek rrugëtimin e saj sot. E di që dhe ajo pas atyre golave, do vijë të më përqafojë si sot. Dhe s’mund të jem më e lumtur se kaq”.
[caption id="attachment_710388" align="alignnone" width="1374"]
Postimi i Reme Lales[/caption]
Lexo gjithashtu
