Sulmi i Bayern Munichut për Kim Min-jae të Napolit . Klubi bavarez që ka në largim Lucas Hernandez po vazhdon kontaktet me mbrojtësin koreano-jugor i cili është i lidhur me Napolin me një klauzolë përfundimi prej 50 milionë euro bruto, rreth 45 neto. Një klauzolë e pagueshme në gjysmën e parë të korrikut.
Lucas Hernandez ka edhe një vit kontratë me Bayern Munich dhe tashmë ka bërë të ditur se nuk dëshiron të rinovojë kontratën. Ideja e mbrojtësit francez është të kthehet në vendlindje, në atë PSG që pas Milan Skriniar është gati të shënojë një tjetër goditje të madhe për të rinovuar praparojën.
Kështu Bayern filloi kontaktet me rrethin e qendërmbrojtësit të Koresë së Jugut duke vënë në tryezë një kontratë të vlefshme për katër vitet e ardhshme. Diskutimet mbi detajet ekonomike janë ende në vazhdim, por këto janë shifra më të larta se 3 milionë të fituara nga Kim në Napoli këtë vit.
Manchester United përfaqësonte dhe përfaqëson ende zgjedhjen e parë të mbrojtësit të Koresë së Jugut. Megjithatë, javët e fundit nuk ka pasur zhvillime në negociata edhe për shkak të një dorëzimi nga klubi anglez.
Lexo gjithashtu
