Prej një kohe të gjatë është kritiku më i madh i Ilir Dajës teksa në studio të ndryshme ka thënë fjalë nga më të ndryshmet. Ismet Munishi kësaj rradhe ka befasuar të gjithë teksa ka dalë në favor të trajnerit të Ballkanit sa i përket çështjes për pankinën e Kosovës.
Në studion e ‘T7’, Munishi ‘dorëzohet’ para sukseseve të Ilir Dajës duke vlerësuar kandidaturën e mundshme të tij për postin e trajnerit të dardanëve.
“Po përflitet kandidat trajneri Ilir Daja i Ballkanit. Me merita sportive, me rezultate sportive është një kandidat jashtëzakonisht serioz. Ne kemi tendencë për të bërë shumë bujë e pastaj nuk vjen asnjë. Mbaj mend kur erdhi Giresse, u fol për Magath e në fund...
Unë jam i mendimit që nëse nuk mundemi të sjellim trajner të dëshmuar të nivelit të lartë, pse të mos provojmë një trajner vendor. Këtu përfaqësohet Kombi, Kombi përfaqësohet me njerëz të Kombit. Nuk është Kombëtare nëse ka të huaj. Do të binden që në Kosovë ka trajnera të mirë, këtu nuk janë problem trajnerat, por ata vetë me mënyrën e menaxhimit”, tha Munishi.
Lexo gjithashtu
