Elbasani tashmë mund të shkojë drejt falimentit. Skuadra verdheblu ka rreth 300 milionë lekë borxhe. Drejtuesit e saj janë shprehur që ndihen të pafuqishëm për ta rimëkëmbur skuadrën e tyre. Që prej vitit 2006, kur Elbasani doli kampion, ky ekip nuk mundi më që të jetë në majat e futbollit shqiptar, duke parë vetëm rënie. Kriza financiare e ka gërryer çdo vit, duke bërë që asnjëherë të mos e marrin dot veten. Megjithatë disa sinjale pozitive kanë ardhur në drejtim të tyre. Një kompani angleze mund të bleje aksionet e Elbasanit. Vetë Sejdini e ka konfirmuar këtë teksa ka deklaruar: "Në këto momente që ne po flasim jemi në bisedime me një kompani të huaj, ku dëshirojmë t'i shesim aksionet që ka Bashkia", ka përfunduar ai.
Poll
Lexo gjithashtu
