Sot, Kosova do të luajë në transfertë kundër Spanjës në kuadër të eleminatoreve të botërorit “Qatar 2022”. Emri i përfaqësueses dardane është injoruar nga iberikët edhe përmes faqeve zyrtare të Federatës së Futbollit.
Së fundmi mësohet se skandali është thelluar pasi televizioni publik i Spanjës, TVE do të ndërpresë transmetimin kur të këndohet himni shtetëror i Kosovës. Gjithashtu komentatorëve u është ndaluar ta përmendin emrin e përfaqësueses mike gjatë komentit të sfidës.
E gjithë kjo ndodh sepse qeveria e Spanjës nuk e njeh pavarësinë e Kosovës. Ndeshja e sotme është në qendër të kritikave ku ka nxitur shumë polemika diplomatike mes Kosovës dhe Spanjës.