Eder Militao do të vazhdojë të qëndrojë te Real Madrid deri në vitin 2028. Braziliani prej mujash është i dëmtuar dhe rikthimi i tij në fushë e lojës pritet të jetë në fillim të muajit maj. Por kjo nuk i ka ndalur drejtuesit e “Los Blancos” për të rinovuar kontratën me të. Palët kanë zgjatur bashkëpunimin mes tyre për 3 vite të tjera. Militao ia ka dalë të fitojë gjithçka me Realin, teksa tashmë do të synojë që pas rikthimit në fushë të shtojë akoma më shumë numrin e trofeve. Kujtojmë se braziliani është bërë pjesë e “galaktikëve” në verën e vitit 2019, ndërsa kontrata ishte e vlefshme deri në qershor të 2025. Këtë sezon ka luajtur vetëm 1 ndeshje në La Liga.

#Militão2028 pic.twitter.com/5uqPmWAhna

— Real Madrid C.F. (@realmadrid) January 23, 2024