Arlind Ajeti mund të konsiderohet si "ëngjëll dhe djall" në fitoren 5-3 të Torinës kundër Peskarës në ndeshjen e javës së 24-t të Serisë A.
Mbrojtësi kuqezi ishte dy herë protagonist në suksesin e skuadrës së tij, duke shënuar golin e dytë për "granadat", por gjithashtu realizoi edhe një autogol.
Si fillim, Ajeti shënoi në minutën e 9-të për Torinon duke çuar shifrat në 2-0 për ekipin e tij.
Por, në pjesën e dytë, mbrojtësi që e nisi këtë sfidë si titullar realizoi në portën e tij. Në minutën e 73-të, kur rezultati ishte 5-0 për Torinon, Ajeti "ndihmoi" Peskarën të gjente golin e parë, ndërsa "delfinët" arritën më pas të shkurtonin diferencën në 5-3.
Për Peskarën, në fushë ishte edhe Ledian Memushaj që nga minuta e parë, duke u rikthyer kështu në dispozicion të trajnerit Masimo Odo pas një jave mungesë për shkak të fatkeqësisë familjare që i ndodhi mesfushorit vlonjat pak ditë më parë.
Goli i shenuar nga Arlind Ajeti per Torinon
https://www.youtube.com/watch?v=rRjnncSDS2k
Autogoli i shenuar nga Ajeti ne porten e skuadres se tij
https://www.youtube.com/watch?v=kuX_Y0cl8fY&feature=youtu.be
Lexo gjithashtu
