Mbrojtësi më i ri i Vllaznisë, Ditmar Bicaj, ka zbuluar një arsye shumë interesante që lidhet me transferimin e tij te ekipi shkodran. Ai ka treguar motivin se pse nuk u krye transferimi në Iran.
"Zhvillova fazën përgatitore me ekipin iranian Mashine Sazi në Gjeorgji pasi e drejtonte ish-trajneri im te Traktor Sazi, i cili më dëshironte në ekip, por kur po shkonim në Iran mësova se nuk mund të futesha në atë shtet. Arsyeja është se kisha fituar gjyqin në FIFA ndaj ish-klubit tim dhe duke qënë se aty paratë i jep shteti për futbollin, kishin ndërhyrë që unë mos të federohesha. Mund të shkoja sërish në gjyq por për respekt të trajnerit vendosa ta prish kontratën me mirëkuptim dhe të kthehem në Shqipëri, ku u binda menjëherë nga Vllaznia", ka thënë Bicaj për "Panorama Sport".
Lexo gjithashtu
