Në ditëlindjen e tij të 33-të, kapiteni i Lazios Ciro Immobile foli për “Lazio Style”. Kapiteni bardhekaltër u shpreh i lumtur që e feston ditëlindjen si lideri i kryeqytetase. Ai dëshiron të mbahet mend gjatë tek tifozët lacial edhe pasi të tërhiqet nga futbolli. Immobile shënoi një dygolësh këtë fundjavë duke i dhënë fitoren Lacios përballë Salernitanës.
“Në futboll, përveç statistikave, emocionet mbeten ndër vite”, shprehet Immobile. “Lazio ka një histori të rëndësishme me shumë lojtarë të mëdhenj që tani i kujtojmë me gëzim. Shpresoj që sapo të ndalem së luajturi, tifozët do të më kujtojnë. Për më tepër mund të them që tifozët nuk më kanë kritikuar kurrë. Kam shumë vite që jetoj derbin, është një ndeshje shumë e rëndësishme për ne , sepse është për tifozët. Megjithatë për ne lojtarët ja vlejnë tre pikët, të cilët janë shumë të rëndësishme duke pasur parasysh renditjen”, ka folur Immobile.
Lexo gjithashtu
