Dinamo pret Besëlidhjen në Selman Stërmasi ditën e dielë në orën 12:30 në kuadër të javës së 5 të Kategorisë së Parë. Blutë pas barazimit me Tomorin synojnë rikthimin te fitorja për të vazhduar me objektivin e ngjitjes në elitë. Kjo sfidë, veç asaj në fushë, ka një veçanti tjetër.
Dinamo objektivin e fitores ndaj Besëlidhjes kërkon ta arrijë pikerisht me një koloni lezhjanësh. Në klubin dinamovit ka plot 8 lezhian duke filluar nga bordi drejtues me ortakun e presidentit Bardhi, Kristjan Gjidodaj. Simon Simoni, Patrik Fetaj dhe Erisildo Smaçi janë pjesë e ekipit të parë ndërsa të rinjtë Alisio Përloshi, Françesko Daija dhe Aurel Marku shpeshherë marrin minuta nga stoli.
Më interesantja është situata e fantazistit Redon Danaj i cili jo vetëm që ka qenë pjesë e Besëlidhjes por të dielën do të ketë përballë vëllain e tij, Ruben Danaj.
Lexo gjithashtu
