Diego Simeone ka folur për të ardhmen. Trajneri aktual i Atletico Madrid ka dhënë një intervistë për radion “Metro951”, teksa konfirmoi që nuk ka ndërmend të largohet nga ekipi spanjoll. Në media aludohej për një kalim të tij në krye të pankinës së Interit, por argjentinasi ka shuar të gjithë dyshimet pas deklaratës së tij.
“Interi? Ëndrra ime është të vazhdoj në këtë klub dhe ta shoqëroj këtë rritje. Atletico ende është një tokë pjellore, por ka shumë mundësi për përmirësim”, ka deklaruar Diego Simeone.