Kylian Mbappe në verën e kaluar rinovoi me PSG-në duke injoruar kështu Real Madrid, me këtë të fundit që kishte bërë gjithçka gati për zyrtarizimin e tij. Milionat e ofruara nga drejtuesit e skuadrës franceze “tunduan” sulmuesin e “Gjelave”.
Siç duket jo gjithçka është siç u “servir” nga parisienët, pasi Angel Di Maria ka nxjerrë zbuluar ish-skuadrën e tij. Argjentinasi ka folur në lidhje me rinovimin e ish-shokut të tij.
Në një intervistë të dhënë së fundi për mediet spanjolle, lojtari i juventusit theksoi se francezin e detyruan që të qëndronte te PSG-ja.
“Ata e detyruan Mbappen të qëndronte në PSG, pikërisht kur ai mund të largohej. Ata i dhanë atij një rol absolut protagonist, që më parë nuk e kiste pasur Mbappe dhe askush tjetër, por ia dhanë këtë fuqi dhe këtë përgjegjësi, duke i vendosur pranë lojtarin më të mirë në histori, Messi-n. Është pak e vështirë që këto dy gjëra të përkojnë. Mbappe ka një karrierë të jashtëzakonshme përpara tij është një djalë i mirë dhe nuk mendoj se ka ndryshuar shumë”, ka deklaruar kampioni i botës
Lexo gjithashtu
