Ngjarjet e ndeshjes midis Ankaragucu dhe Rizespor e 11 dhjetorit të 2023-shit bënë xhiron e botës. Presidenti i Ankaragucu, Faruk Koca goditi arbitrin e sfidës, Halili Umut Meler.
Presidenti i klubit turk e la gjyqtarin me sy të nxirë, pasi Koca mendonte se vendimet e arbitrit Meler nuk ishin të drejta. Por ai veprim mund të rezultojë fatal për 64-vjeçarin.
Ky i fundit nëse shpallet fajtor për të gjitha akuzat ndaj tij, mund të dënohet deri në 13 vite burg. Ishte pikërisht Koca që shprehu keqardhje në gjykatë duke kërkuar falje për sulmin ndaj gjyqtarit.
“Kjo ishte hera e parë në jetën time që u përfshiva në një konflikt fizik, por një pjesë e akuzës nuk është e vërtetë. Unë nuk e kërcënova gjyqtarin Meler, se do ta vrisja. Unë shpreha keqardhje për aktin tim më herët, dhe tani shpreh keqardhje në gjykatë”, është shprehur presidenti i Ankaragucu, Faruk Koca.
Lexo gjithashtu
