Edmond Dosti është një nga ish lojtarët që ka provuar të kontribuojë për fanelën e Partizanit. Nesër është një ditë e rëndësishme për kryeqytetin dhe klubin e kuq teksa do të përballen me rivalin e përjetshëm, Tiranën.
Ish-sulmuesi ka bërë një postim në rrjetet sociale ku i bën thirrje futbollistëve të japin maksimumin e tyre në fushë. Ai thekson se duhet të luajnë për “besnikët e përjetshëm” dhe në fund e mbyll duke thënë se nga kjo sfidë duhet të dalin doemos me 3 pikë.
“Përpara derbit, është lojtari i 12 i Partizanit, “Ultras Guerrils”, që do jenë të shumtë nesër dhe do motivojnë lojtarët që të japin maksimumin e tyre në fushë për ta fituar këtë derbi dhe cunat të japin 100% në fushë.
Dhe të luani për “Besnikët e përjetshëm” që nuk e kanë braktisur as ju e as klubin në asnjë moment edhe për bluzen dhe Historinë e këtij klubi të madh."Derbi nuk luhet por fitohet".
Suksese dhe me fitore forza Partizani”, shkruhej në postimin e Dostit.
Derbi mes Tiranës dhe Partizanit është programuar të luhet nesër në orën 20:00, në stadiumin “Air Albania” në kryeqytet.
Lexo gjithashtu
