Partizani dhe Tirana luajnë të diel në 19:00 derbin e kryeqytetit në “Air Albania”. Dueli është komentuar edhe nga legjenda bardheblu, Agustin Kola. Ish-lojtari i Tiranës e cilëson si ndeshjen që i ka dhënë jetë futbollit shqiptar, teksa ka cekur edhe temën e Kombëtares. Këto komente Kola i bëri për gazetaren Trevisa Tufa.
“Si e shihni ju sot një derbi dhe si është ta përjetoni nga jashtë?
Mezi e prisnim një javë përpara. E shikoj që dy javë para njerëzit përqëndrohen te derbi, me batuta, me gjëra, me të gjitha. Derbi i ka dhënë jetë futbollit tonë.
Ju ka ndodhur ndonjë situatë si ajo me Islandën kur keni qenë pjesë e Kombëtares? Ku është presioni më i madh, te Kombëtarja apo te Tirana?
Për një futbollist edhe të luash me çunat e lagjes, përsëri e ke atë ndjenjën e presionit. Po të flasim për ndeshjen e Kombëtares, tifozët kanë të drejtë. Të shikosh ish-shokët e mi, ata thonë e ka fajin Reja, e ka ky, e ka ky. Ne kishim mungesa.
Ndalemi te derbi jonë. Derbi jonë ka qenë gjithmonë me presion. Gjatë gjithë javës kishim presion psikologjik vetëm për derbin. Sot kam kënaqësi kur shikoj tifozët dhe i lutem që të fitojë më i miri dhe mos të ketë sherre. Të fitojë më i miri. Unë jam tifoz i Tiranës, kam dhënë gjakun, kam dhënë jetën. Por unë kam qejt të fitojë më i miri. Vetëm mos të ketë rrëmujë, mos të ketë sherre, mos të ketë gjëra.
Derbi është kthyer si pikë kyçe. Mendoni se do të ndikojë edhe këtë vit?
Për mua, si Partizani, si Tirana, si Vllaznia, si Teuta që kanë qenë 5-çja më e mirë që kanë dalë në Kupat e Europës. Derbi pritet. Sepse nëse atëherë, shumë tifozë i kishim nëpër rrethe, nuk vinin dot të na shikonin. Mbaj mend vinin nga Skrapari dhe më shikonin, unë i mbaja te shtëpia ime për të fjetur gjumë, sepse nuk kishin me çfarë të iknin, kurse tani është bërë monopol. Ka më shumë tifozë që vijnë në stadium. Është sikur të ecësh me 200 kile në kurriz. Sportisti mos ta ketë vëmendjen se çfarë thotë tifozi. Mbylli veshët, luaj futboll, të fitojë më i miri.
Pse e ka Tirana të vështirë të ruajë përbërjen?
A iku Ronaldo nga ekipi i tij? A iku Seferi? Kur ishte Seferi dhe Xhixha i binte sikur po luaje 12 me 11 në fushë. E gjithë vëmendja e Seferit u zbulua te Xhixha. Por ekipi është grup. Kjo gjë ka të bëj shumë”, tha Kola.
Lexo gjithashtu
