Komisioni i Disiplinës ka dënuar me 4 ndeshje pa tifozë skuadrën e Kukësit pas goditjes së Tedi Carës në ndeshjen kundër Partizanit. Organi i drejtësisë sportive vendosi te penalizonte me 100 mijë lekë gjobë verilindorët si dhe zhvillimin e katër sfida pa spektatorë.
Për këtë ka reaguar klubi i Kukësit që përmes një njoftimi në kanalin zyrtar i kërkon tifozëve të jenë të kujdesshëm në ndeshjet e radhës. Në reagimin e bërë në faqen zyrtare të verilindorëve thuhej:
“Incidentet e ndodhura në ndeshjen e fundit në "Kukës Arena" i kanë kushtuar klubit tonë me mbylljen e stadiumit për tifozët në 4 ndeshjet e radhës si edhe një gjobë në vlerën 100'000 lekë për klubin.
Në këtë mënyrë, ekipi do të luajë pa tifozë në 4 ndeshjet e radhës në shtëpi, duke pasur një humbje të madhe pasi do të mungojë mbështetja e tifozëve.
Klubi i Kukësit kërkon nga tifozët që të jenë më të kujdesshëm në ndeshjet e radhës pasi së bashku jemi më të fortë”.
Lexo gjithashtu
