Trajneri i kombëtares shqiptare të futbollit, Edi Reja i ftuar në studion e "Pressing" është duke folur për situatën tek kuqezinjtë dhe ndeshjet e europianit që lam pas. Reja u ndal tek ndeshja me Andorrën, ku mbajti të gjithë përgjegjësinë për paraqitjen e ekipit, sidhe tregoi se ishte ndryshe nga ish trajneri Panuçi, duke thënë se nuk i pëlqente diktatura. Ndër të tjera Reja foli dhe për modulin që i pëlqen të luaj më shumë.
"Qëndrimi që kam mbajtur në klubet tona, është demokratik. Ka nevojë për respekt gjithmonë, jo vetëm ndaj meje, por edhe ndaj shokëve të skuadrës. Është e rëndësishëm që skuadra ta ketë kuptuar. Janë djem të zgjuar dhe e kuptojnë. Duhet respekt për të gjithë. Në këtë aspekt jemi përmirësuar shumë. E falënderoj Starovën për besimin që më dha, shpresoj t'ua shpërblej. Edhe në këtë moment të kualifikimeve, nëse merrnim një pikë në Islandë, sikurse edhe të fitonim në Turqi ku patëm raste me Manajn, atëherë ishim në garë për Europianin.
Nëse ne luajmë me Andorrën në këtë nivel, nuk mund të shkojmë në asnjë drejtim. Një paraqitje e tillë nuk mund të ekzistojë, as paraqitja kundër Moldavisë. Pësuam dy gola dhe ne nuk u treguam të aftë për të mbrojtur. Katër mbrojtës tanë, me dy sulmues. Nuk shkon kjo gjë, nuk mund të pësohen gola të tillë. Është një mungesë vëmendje, janë momente të veçanta, episode që nuk duhet të ndodhin. Të gjithë e kishim vëmendjen te Franca dhe Andorrën e nënvlerësuam. Sikur donim të kurseheshim, nuk donim të dëmtoheshim, pasi luanim në stadium të ri përballë Francës. Në disa ndeshje, ndikon gjendja psikologjik", tha Reja.
Moduli 3-5-2, a është i duhur për Shqipërinë?
"Sigurisht që mund të luaj. Unë e provova këtë kur erdha edhe pse moduli im i preferuar është 4-3-3. Kur erdha pash që skuadra nuk luante e ekuilibruar dhe pësonte gola të çuditshëm. Më pëlqen të luaj me dy sulmues qëndre dhe tre mesfushorë qëndre. Nëse e keni parë me vëmendje ne çojmë një lojtarë më shumë në zonën kundërshtare. Mbrojmë me 5 dhe sulmojmë me 5. Një lojtar që ka karakteristikat të bëj një lloj loje, unë them se një lojtar ndërkombëtar duhet ti bëj të gjitha rolet si difensive dhe ofensive.
3-5-2 na ka dhënë garanci për momentin. Nëse gjej lojtarë të tjerë për modul tjetër do të përdor modul tjetër. Por skuadrën e fortë nuk e bën modeli.
Hysaj e Roshi jashtë pozicioni? Kam folur me Hysajn dhe ma ka kërkuar të luajë aty. Ishte i lumtur ta bënte. Roshi ka pasur vështirësi në atë pozicion, do të luajë në sulm. Mund të luajë në të gjithë linjën, ai ka nevojë për hapësira dhe nuk luan me shpinë dot. Ndoshta për Roshin ke të drejtë, por unë i shoh në stërvitje. Është e vështirë, pasi lojtarët vijën gati. Duhen gjetur taktikat e duhura dhe them se kemi vërtetë një skuadër të mirë. Në fillim ekipi nuk ishte impakt. Tani ndjej që është skuadër ", përfundoi Reja.
Lexo gjithashtu
