Roma mbrëmjen e sotme do të udhëtojë në transfertë për të sfiduar Feyenoord, takim i vlefshëm për fazën e 1/8-ave të Europa League, sfidë që do të startojë në orën 18:45. Një duel mjaft i rëndësishëm , ndërsa do të debutoj Daniele De Rossi në këtë kompeticion.
Trajneri i italianëve ka theksuar para sfidës që në duelin e holandezët dëshiron atë skuadër që eleminoi Barcelonën disa vite më parë. Gjithsesi sipas tij do të jetë fusha që do të flasë
“Jam shumë i lumtur që po debutoj në Europë, disa kohë më parë nuk e mendoja. Jam i gëzuar për këtë mundësi dhe dua të përfitoj nga ajo. Është një klimë e nxehtë, por është fusha ajo që flet. Kam eksperiencë si lojtar në disa ndeshje europiane, por nuk kam fituar kurrë më parë një trofe europian.
Mbaj mend edhe kur na mposhti Manchester United me rezultatin 7-1, por ia dolëm të ringriheshim. Nëse më duhet të zgjedh një ndeshje të veçantë europiane, mendoj për atë fitoren 3-0 kundër Barcelonës. Dua të rikthehemi mes skuadrave më të rëndësishme të Europës”, u shpreh De Rossi.
Lexo gjithashtu
