Skerdi Bejzade debutoi me barazim në krye të Erzenit. Trajneri i shijakasve mori drejtimin e ekipit disa ditë më parë, ndërsa Erzeni barazoi sot 1 me 1 përballë Tiranës.
1 pikë e vlefshme në garën për mbijetesë, teksa mbajnë vendin e tetë. Është luks t’i marrësh Tiranës barazimin në “Air Albania”, ndërsa vlen për t’u theksuar se Erzeni mund të shkonte te fitorja pasi kryesonte 1 me 0 pas 80 minuta lojë.
Ky rezultat megjithatë mund të mos quhet surprizë. Kjo sepse asnjë klub tjetër nuk i ka hapur punë Tiranës si Erzeni. Nënkampionët kanë luajtur 3 takime këtë sezon në Superiore dhe grumbullojnë vetëm 1 pikë.
Dy sfidat e para mes tyre janë mbyllur me fitore minimale 1 me 0 nga Erzeni. Kjo tregon se sa kockë e fortë janë treguar shijakasit për bardheblutë, teksa ka mbetur të paktën dhe 1 ndeshje për t’u luajtur mes tyre deri në maj.
Lexo gjithashtu
