Gianni De Biasi duket se i ka lënë kohë vetes të mendohet dhe të zgjedhë në qetësi të ardhmen e tij. Pas largimit nga Shqipëria dhe së fundmi eksperiecës jo fort të mirë te Alavesh në Spanjë, tekniku italian është në pritje të ofertave.
Kështu ka ndodhur, ndaj tij kanë shkuar tri oferta zyrtare, dy ekipe dhe një Kombëtare që merr pjesë në Botëror. Lajmin e ka konfirmuar vetë ish-trajneri i Kombëtares për mediat italiane, pa zbuluar emra konkrete ekipesh.
"Janë dy klube jashtë Italisë dhe një skuadër përfaqësuese që do të marrë pjesë në Botëror, të cilat më kanë bërë ofertë konkrete. Po vlerësoj me vëmendje ofertat dhe projektin e tyre, pasi dua të angazhohem diku ku më ofrohet përfshirje 100%", ka qenë komenti i fundit që De Biais ka bërë lidhur me të ardhmen e tij.
Lexo gjithashtu
