Mungesa e Labinot Ibrahimit për shkak kartonash në ndeshjen kundër Kukësit, ka shtuar hallet te skuadra e Partizanit. Tashmë trajneri Klevis Dalipi duhet të vendosë për lojtarin e linjës së djathtë që do të hedhë në fushë të shtunën kundër verilindorëve.
Sot, në orën 10:30, të kuqtë kanë zhvilluar seancën e radhës stërvitore, ku Dalipi ka provuar një skemë me Gerhard Prognin si mbrojtës i djathtë. Arbnor Fejzullahi është rikuperuar dhe ka nisur të marrë ngarkesën e plotë, megjithatë 25-vjeçarit i duhen minuta në këmbë për të qenë në formën që të gjithë e presin.
Dëmtimi i pësuar para disa muajsh në gju për ndeshjen e Kupës, e la mbrojtësin e njohur jashtë fushës së blertë për një kohë të gjatë. Tashmë ai është rikthyer, por fillimisht i duhet të stërvitet fort që të fitojë besimin e trajnerit Klevis Dalipi.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
