Klevis Dalipi ka folur pas humbjes 0-3 kundër Tiranës, e vlefshme për Kupën e Shqipërisë. Trajneri i Lushnjës deklaroi për mikrofonin e Oversport:
“Patjetër që Tirana është në nivel tjetër. Është skuadër me shumë kualitet. Kemi qenë seriozë gjatë gjithë kohës. Dallimin e bënë kualitetet. Gabimet individuale duan kohë të mbulohen. Kisha punuar me topin në linjën e dytë. Janë vetëm 11 ditë dhe të përgatitesh skuadrën fizikisht, është pak. U përballëm me këtë Tiranë me mjaft kualitet. Nuk është ky kundërshtari real. Kampionati ynë është ndryshe. Do të përgatitemi që këto gabime që bëmë sot, ti rregullojmë në seancat stërvitore.
Canka dhe Pepa? E thashë dhe më parë. Pepa ka pasur një boshllëk në gjendjen fizike. Mbeten shtylla jonë, janë pika e referimit. Duhet të përmirësohemi si skuadër. Unë mendoj që vonë nuk është. Do të mundohemi në kohë rekord për t’u përmirësuar fizikisht.
Merkato? Mendoj që kemi bërë dy afrime. Janë lojtarë që do të ndihmojnë skuadrën. Presim edhe dy afrime të tjera. Sidomos sulmuesi i majtë ose mesfushori i majtë për t’u përshtatur me modulin e lojës që dua. Kemi një tifozëri të zjarrtë. Duhet të jemi seriozë deri në fund të kampionatit”, tha ai.
Lexo gjithashtu
