Grupi i tifozëve të ekipit të Gostivarit në Maqedoninë e Veriut ka vendosur të ndryshojë emrin. Ajo që ka revoltuar bashkëatdhetarët shqiptarë është fakti se tifogrupi që më parë quhej “Kastrioti”, ka vendosur të zgjedhë një emër turk.
“Tifo-grupi i KF Gostivarit ndryshon emrin nga Kastriotët duke “evoluar” në Deliler (tuqisht- të çmendurit)”, njofton një qytetar në rrjetet sociale.
Por një qytetar tjetër thotë se nisma për ndryshimin e emrit është iniciativë e vetë klubit të futbollit të Gostivarit, dhe jo vendim i tifogrupit të themeluar që në vitin 1996.
“Kjo është iniciativ nga vetë klubi. Kastriotët Gostivar nuk ka pas asnjë ndryshim edhe s’besoj se do ketë ndonjëherë”, shkruan ai.
Gjithsesi, nëse është vendim i klubit apo i tifozëve mbetet e paqartë, por ky vendim i çuditshëm në një qytet ku nuk ka asnjë pakicë turke, ka revoltuar jo pak sportdashësit dhe jo vetëm.
Lexo gjithashtu
