Italia është pushtuar nga Coronavirusi, duke vënë në panik veriun e vendit fqinj. 2 të vdekur dhe mbi 100 të infektuar me virusin vdekjeprurës, kanë bërë që edhe ndeshjet e futbollit për Seria A të shtyhen. Tre takime janë shtyrë mbrëmjen e djeshme, ndërsa sfida mes Torinos dhe Parmës e programuar për sot në orën 15:00, gjithashtu është shtyrë.
Atalanta - Sassuolo , Verona - Cagliari dhe Inter - Sampdoria ishin tre sfidat e shtyra qysh mbrëmë, ndërsa sot Federata italiane dhe liga e futbollit vendsoën që edhe ndeshja mes Torinos dhe Parmës të kishte të njëjtin fat. Kështu, katër takimet nuk do të zhvillohen, duke u gjetur një datë tjetër për to. Në dyshim është edhe sfida e së enjtes që vjen mes Inter e Ludogorets (2-0), me ndeshjen e kthimit që mund të zhvillohet pa tifozë ose në fushë neutrale.
Lexo gjithashtu
