Sokol Bulku është i ftuar në emisionin “Rubrika Sportive” në Televizionin Publik Shqiptar. Ish mesfushori i njohur i Superiores që ka provuar të luajë me Partizanin dhe Tiranën, analizoi pikërisht ekipin e kuq.
Ai foli me superlativa për trajnerin Giovanni Colella, për të cilin theksoi se ka bërë mirë duke arritur të krijojë një skuadër kompetitive. Madje evidentoi faktin se Partizani gjendet në vendin e dytë dhe duke rivalizuar për titullin kampion.
“Partizani dhe trajneri italian kanë bërë mirë. I ka dhënë mundësinë lojtarëve të rinj. Janë në garë për titullin. Mbi të gjitha është në vendin e dytë”. Pikërisht në këtë moment ndërhyri Hygerta Sako duke i kujtuar Ilir Dajën.
Moderatorja i tregoi se si trajneri kryeqytetas para dy sezonesh arriti të rendiste në vend të dytë Partizanin, edhe pse merkato ishte e bllokuar. “Si mund të themi që po bën mirë me gjithë këto kualitete që ka? Ilir Daja para dy sezonesh e nxorri në vend të dytë Partizanin me merkaton e bllokuar”, tha ajo.
Lexo gjithashtu
