Enis Çokaj ishte pjesë e Laçit sezonin e kaluar ku u huazua nga Lokomotiva e Zagrebit te skuadra kurbinase për 6 muaj. Pas mbylljes së kampionatit, lojtari u rikthye sërish në Kroaci dhe ka fituar një vend titullar në skuadrën e parë. Deri më tani në 4 ndeshjet e para të kampionatit ka luajtur si titullar në dy prej tyre. Në një intervistë për "Shkodrasport", Çokaj ka treguar emocionet e debutimin në kampionatin kroat si dhe ka folur për objektivat e tij.
- Enis tashmë keni debutuar në kampionatin kroat duke luajtur me sukses në formacionin e Lokomotivës. Si ishte ky debutim për ju, a kishit emocione?
- Ka qenë vërtetë një kënaqesi e madhe sepse do të luaja si titullar dhe për më tepër debutova ndaj një skuadre si Hajduku i Splitit. Më pas luajta edhe ndaj Istres në ndeshjen e para pak ditëve. Si ndeshje e parë padyshim që kisha shumë emocione.
- Prisni të luani edhe në ndeshjet e ardhshme?
- Nuk e di, kjo është në dorën e trajnerit. Di te them se nëse do të luaj, do të jap gjithmonë maksimumin tim.
- Cili është objektivi juaj për këtë sezon?
- Objektivi është të luaj sa më shumë ndeshje dhe t'i shërbej ekipit.
- Jeni shumë shqiptarë tek Lokomotiva. Ju ndihmon ky fakt?
- Padyshim që po sepse shkojmë shumë mirë me njëri- tjetrin si brenda fushe ashtu edhe jashtë saj.
Lexo gjithashtu
