Andre Onana është titullar i padiskutueshëm te Interit. Gardiani kamerunas falë paraqitjeve të tij bindi stafin e zikatërve për t’i besuar atij “çelësat” e portës, ndërsa uli në stol veteranin Handanovic.
Siç dihet garat europiane janë një mundësi shumë e mirë për lojtarët që të tregojnë vlerat e tyre, ndërsa ofertat nuk mungojnë. Pikërisht Onana po bën paraqitje të shkëlqyera në Chamapions Leageu me Interit dhe tashmë Chelsea kërkon shërbimet e tij.
Në fakt Blutë e Londrës janë “dashuruar” me cilësitë e kamerunasit dhe sipas “Gazzetta dello Sport” nesër në “San Siro” në sfidën ndaj Lazios do të jetë të pransishëm agjentë të skuadrës angleze. Nuk përjashtohet mundësia që sot ose gjatë ditës së nesërme përpara ndeshjes, këta agjentë të trokasin në zyrat e Interit për diskutuar. Sipas raportimeve, klubi anglez është i gatshëm të ofrojë para dhe kartonin e portierit Kepa për të marrë në Londër portierin zikaltër.
Lexo gjithashtu
