Milani është në ujëra shumë të trazuara aktualisht teksa rezultatet janë katastrofë ndërsa mbi “kokë” ka edhe çështjen e nxehtë të Rafael Leao. Palët po punojnë për rinovimin por deri tani nuk është arritur një marrëveshje. Për gazetarin e njohur, Fabrizio Romano, agjenti i Rafael Leão, Ted Dimvula foli për situatën e kontratës me AC Milan, që aktualisht skadon në qershor 2024.
“Për disa javë, ne kemi parë një intensifikimin e informacioneve të rreme dhe mashtruese për Rafael Leão, kryesisht në shtypin italian. Kjo sipërmarrje shpifëse ka vetëm një qëllim: të parazitojë shkëmbimin e përzemërt dhe profesional që kemi me drejtuesit e AC Milan në lidhje me zgjatjen e kontratës së Rafaelit.
Aktualisht jemi duke punuar së bashku për të gjetur një zgjidhje të kënaqshme për të gjitha palët. Prioriteti i lojtarit nuk ka ndryshuar: ai dëshiron të qëndrojë në AC Milan dhe të vazhdojë të rritet dhe të përparojë në këtë institucion dhe këtë qytet që ai e do aq shumë.
Prandaj ne mohojmë me vendosmëri çdo dëshirë nga ana e Rafaelit dhe/ose shoqëruesve të tij për të ulur klauzolën e lirimit në mënyrë që të lehtësojmë një largim të lojtarit verën e ardhshme.
Rafaeli është plotësisht i fokusuar në synimet e rëndësishme që do të vijë me klubin e tij aktual dhe dëshiron që në këtë periudhë të vështirë të jetë në gjendje të punojë në qetësi dhe qetësi për t'iu rikthyer fitoreve.”-deklaroi agjenti.
Lexo gjithashtu
