Bersant Celina ka bërë një gjest të madh sot në ndeshjen Tvente – Feyenoord, ku tifozët e skuadrës së tij bënë një gjest skandaloz.
Ata kishin shpalosur një pankartë me mbishkrimin “Kosova është Serbi”, gjë që ka sjell reagimin e yllit të Kosovës, që ndodhej në tribunë shkaku i kartonit të kuq të marrë javën e kaluar.
Babai i Bersantit, Edvari, zbulon se si ndërhyri Bersanti për ta larguar atë baner, me ç’rast edhe u përlesh me tifozët.
“Bersanti si duket është përlesh me tifozët para lojës dhe e ka lënduar gishtin. Ka shkuar tek ata dhe ka kërkuar ta largojnë banerin”, zbulon ekskluzivisht për “GazetaOlle.com”, Edvar Celina.
I pyetur nëse kjo ka mundur të vijë nga tifozë serbë, Edvari ka informata tjera.
“Si duket ata paskan bashkëpunim me tifozët e Crvena Zvezdës së Beogradit”, shpjegon ai.
Bersanti momentalisht ndodhet në takim me drejtuesit e klubit, pikërisht për shkak të banerit të shfaqur, ku tifozët me kërkesën e tij e hoqën.
Klubi i Tventes ka reaguar përmes faqes zyrtare të tyre, duke shkruar se: “Një banderolë e tillë nuk i përket një stadiumi të futbollit. FC Tvente është duke e hetuar ngjarjen, se si kjo ka ndodhur dhe kush janë përgjegjësit”, shkroi klubi i Tventes.
Edhe Bersanti kishte publikuar në faqen e tij në Facebook videon duke e hequr banderolën tifozët, dhe duke iu kundërpërgjigjur me fjalët: “Jo, jo nuk është”.
Në fushë nga minuta 85, hyri talenti kosovar, Enis Bunjaki, që debutoi me Tventen.
Lexo gjithashtu
