Mbrojtësi i Milanit, Davide Calabria foli për "DAZN" për sezonin e kuqezinjve. Kapiteni po kalon një moment të mirë me ekipin pas kualifikimit në gjysmëfinalen e Champions ku do të ndeshen me Interin.
“A është legjitime të ëndërrosh? Absolutisht. Nuk e kuptoj pse nuk duhet të mendoj kështu. Fillova të luaj futboll duke ëndërruar për të ngritur Ligën e Kampioneve, tani që mbeten vetëm 3 ndeshje është marrëzi të mos ëndërrosh.
Asnjë lojtar nuk dëshiron të humbasë apo jo? Unë jam duke u stërvitur çdo ditë, luftoj çdo ditë që të mund t’i fitoj këto trofe. Ne jemi Milani, jemi mësuar të fitojmë trofe.
Po flasim tashmë për të? Sigurisht që flasim për këtë. Është një sfidë e pabesueshme në një kontekst, është gjysmëfinalja e Champions League, e cila është edhe më e rëndësishme.”
Lexo gjithashtu
