Korabi do të luajë kundër Vllaznisë në kuadër të javës së 22-të të Superiores. Përmes një njoftimi në faqen zyrtare, klubi dibran bën me dije që edhe në këtë ndeshje është i detyruar të transferohet në Durrës, për të luajtur në "Niko Dovana". Teksa të gjithë prisnin një përgjigje pozitive nga FSHF-ja për të dhënë licencën për stadiumin, duket që nuk ka ndodhur një gjë e tillë teksa shkruhej në faqen zyrtare në facebook të klubit dibran:
"ZYRTARE, Korabi - Vllaznia, e dielë, data 19/02/2017, stadiumi "Niko Dovana", ora 14:00
Ndeshja Korabi - Vllaznia është vendosur të zhvillohet në stadiumin "Niko Dovana" të Durrësit. Komisioni i lincencimit pranë FSHF-së nuk ka dhënë ende miratimin për t'i luajtur ndeshjet si pritës në shtëpinë tonë, ndaj jemi të detyruar që këtë sfidë ta zhvillojmë në impiantin e Durrësit. Kjo ndeshje është e vlefshme për javën e 22-të të Superiores dhe skuadra nën drejtimin e trajnerit Haxhiu është e përgatitur për të dhënë maksimumin në fushën e blertë", përfundonte njofimi i Korabit.
Lexo gjithashtu
