"Kam nevojë për lidhje për të ndier atë që i duhet secilit lojtar. E di që jam trajneri, por më pëlqen të jem pranë të gjithëve”. Kjo është ajo që Xabi Alonso, trajneri i ri i Real Madridit, tha për kanalet zyrtare të klubit spanjoll përpara debutimit të tyre në Kupën e Botës për Klube. Ndërkohë, skuadra e Xabi Alonsos nuk është ende e plotë dhe ndeshja kundër Al Hilal është vetëm tre ditë larg:
“Po fillojmë një fazë të re dhe duhet t'i japim përparësi asaj që është e rëndësishme: asaj që duam të jemi, si duam të luajmë dhe që të ndiejmë se e gjithë kjo është e jona. Duam të jemi në gjendje ta bëjmë që nga momenti i parë, që nga ndeshja kundër Al Hilal. Para së gjithash, duhet ta njohim veten. Duhet të përshpejtojmë gjithçka sepse kemi shumë pak kohë për t'u njohur me njëri-tjetrin dhe për t'u stërvitur.
Ne mbërritëm këtu dhe sot mbërritën Lunin, Vinicius Jr dhe Arda Guler. Do të fillojmë të formojmë një grup dhe do të kemi tre seanca stërvitore para ndeshjes. Erdhëm me shumë entuziazëm, me dëshirën për të pasur një turne të mirë dhe për të arritur deri në fund, pse jo me trofeun”.
Lexo gjithashtu
“Juventusi ka ambicie për të fituar”, Tudor: Lojtarët janë të etur
Bayern Munich gati për Botërorin e Klubeve, Kompany: Do futemi për ta fituar
