Xherdan Shaqiri së fundmi ka folur për Kosovën dhe suksesin e “Dardanëve” në arenën ndërkombëtare. Sipas ish-futbollistit të Zvicrës kualifikimi i Kosovës në Kupën e Botës 2026 do të ishte një histori e jashtëzakonshme.
Ndër të tjera sulmuesi ka theksuar se “Dardanët” gjithmonë e më shumë po zgjihen nga futbollistët e rinj, ku shumë lojtarë duan të veshin këtë fanellë.
“Ka kombëtare që po garojnë për herë të parë dhe mendoj se është më mirë që kombëtaret më të vogla kanë më shumë shanse kualifikimi. Mund të shihni se Shqipëria dhe Kosova mund të kualifikohen përmes “Play-Off”.
Kosova në Botëror? Do të ishte një histori e jashtëzakonshme. Do të ishte turneu i tyre i parë. Fakti që kanë ende mundësi tregon se çfarë progresi kanë bërë. Mund të shihni se gjithnjë e më shumë lojtarë po duan të luajnë për Kosovën, prandaj po përmirësohen dhe po ia dalin nën presion. Tani janë skuadër me lojtarë në liga të mira, prandaj edhe kanë një ndihmë më të madhe”, ka deklaruar Shaqiri për “watson.ch”.
Lexo gjithashtu
