Atalanta do të përplasë “brirët” me Real Madrid, teksa do të bëjnë në mbrëmje llogaritë për trofeun e Superkupës së Europës. Sfidë kjo që do të zhvillohet në stadiumin “PGE Narodowy” në Varshavë të Polonisë.
Spektakli do të vazhdojë në orën 21:00, ku Berat Gjimshiti do të ketë përballë Kylian Mbappe. Në fakt italianët nuk i “frikësohen” aspka madrilenëve, pasi sipas Ademola Lookman, Atalanta është mësuar të sfidojë të mëdhatë.
“Jemi gati për nesër, jemi krenarë dhe të lumtur që luajmë një tjetër finale pas fitores 3-0 ndaj Bayer Leverkusenit. Jemi të emocionuar nga ideja për të luajtur këtë ndeshje, është e qartë se na mungojnë lojtarë të rëndësishëm, por ne kemi mentalitetin e duhur për ta përballuar këtë ndeshje edhe pa shumë lojtarë që janë jashtë për shkak të lëndimeve dhe arsyeve të tjera. Jemi përballur me shumë skuadra të tjera të mëdha në të kaluarën”, ka përfunduar Lookman.
Lexo gjithashtu
