Thiago Motta ende nuk është zyrtarizuat te skuadra e Juventusit. Diçka e tillë pritet të bëhet në ditët në vazhdim.
Por pavarësisht kësaj, sërish ish-timonieri i Bolognas ka nisur punën për skuadrën e tij. Sipas mediave italiane bëhet me dije se u aka bërë të qartë drejtuesve 3 “dëshirat” e kësaj merkatoje.
Kështu mësohet se i pari në listë është Teun Koopmeiners i Atalantës. Holandezi ka kontratë me bergamaskët deri në qershor të vitit 2027, me “Zonjën e Vjetër” që do të bëjë gjithçka për të bërë të mundur këtë transferim.
I dyti në listë është Riçardo Calafiori i Bollognas, të cilin e njeh mjaft mirë Motta. Italiani ka kontratë të vlefshme me Bolognan deri në qershor të vitit 2027. I fundit, po jo më pak i rëndësishmi është Michele Di Gregorio, i cili gjithashtu ka kontratë me Monzën deri në qershor të vitit 2027. Mbetet të shihet se sa do t’ia dalin drejtuesit të ‘plotësojnë’ dëshirën e Mottas në merkaton e verës.
Lexo gjithashtu
