Trajneri i Milanit, Paulo Fonseca ka dhënë konferencën e parë zyrtare për sezonin e ri. Kuqezinjtë presin nesër në orën 20:45 Torinon në San Siro për t’i dhënë start këtij edicioni të Serie A. Ndër fjalët e tij, tekniku portugez konfirmoi zyrtarisht se objektivi i merkatos Youssouff Fofana ka firmosur me klubin edhe pse ende s’ka zyrtarizim.
“Me ardhjen e Fofanës, merkato është mbyllur për sa i përket ardhjeve. Duhet të lëmë lojtarë jashtë. sepse tani jemi shumë dhe nuk është e lehtë të punosh me kaq shumë lojtarë”.
Çfarë ndeshje do të jetë nesër kundër Torinos?
Ndeshja e parë është gjithmonë e vështirë. Torino ka ndryshuar trajner, unë e njoh mirë. Ata kanë një organizim të saktë, veçanërisht në mbrojtje. Pastaj kanë cilësi me topin. Pres një ndeshje të vështirë, por që ne duam ta fitojmë dhe jemi përgatitur shumë mire. presim një ekip më mbrojtës, gati për të kundërsulmuar më fort në mesfushë.
Çfarë i mungon Milanit?
Tani nuk mungon asgjë, sepse nuk kemi filluar ende. Kur ka një ndryshim, duhet kohë për ta vënë në praktikë. Ne nuk jemi një ekip perfekt, në fakt jemi shumë larg të qenit një. Por unë nuk dua të flas për atë që na mungon, nuk dua t'u jap pikë kundërshtarëve duke folur për këtë, mund të them se po punojmë.
View this post on Instagram
Lexo gjithashtu
