Juventus dhe Milan do të përballen me njëri-tjetrin për të luajtur ndeshjen e vlefshme për javën e 34-të të Serie A. Supersfida që do të zhvillohet ditën e sotme në “Allianz Stadium”, në Torino, do të startojë në orën 18:00.
Gjithçka në kampionat është mbyllur, me Interin që u shpall kampion në derbi, por dy Juve dhe Milan kërkojnë vendin e dytë. Një luftë e ashpër pritet mes dy ekipeve që kërkojnë me çdo kusht fitoren për të marrë vendin e nënkampionit.
Një ndeshje e veçantë do të jetë edhe në pankinë. Ky mund të jetë ‘Kërcimi i Fundit’, për Massimiliano Allegrin dhe Stefano Piolin, trajnerë të cilët pritet të largohen nga skuadrat respektive në fund të këtij sezoni.
Por, pavarësisht se kampionati është mbyllur apo trajnerët do të largohen, pritet që “Zonja” dhe “Djalli” të dhurojnë spektakël.
Lexo gjithashtu
