Sfida mes Lecces dhe Torinos, e cila u mbyll me rezultatin 2-0, nxorri në pah edhe paraqitjen e mirë të lojtarëve. Specifikisht ylli i ndeshjes ishte mesfushori shqiptar, Medon Berisha.
Ky i fundit dha 2 asistë në 2 minuta, të cilat u përkthyen në gola. Një gol i cili falë asistit të tij u shënua nga Lassana Coulibaly dhe rrjeta për herë të dytë më pas u prek nga Lameck Banda.
22-vjeçari Berisha i'a ka dalë të shkëlqejë në fushë, duke i dhënë kështu edhe triumf skuadrës. Ndërsa në aspektin individual, lojtari në “sofacore” ka notën 7.2.
Performanca e tij ka ditur të marrë vëmendjen që i takon pasi për të dytën ndeshje radhazi, mesfushori kuqezi u shpall “Lojtari i Ndeshjes” nga ekspertët e Serisë A. Kjo konfirmon edhe një herë formën e shkëlqyer që po kalon ai në këtë sezon.
Rikujtojmë se për Berishën vlerësimet nuk janë të panjohura, pasi edhe në duelin e Fiorentina–Lecce në 2 nëntor 2025, Berisha u vlerësua me 8.5/10 dhe u shpall “Lojtari i Ndeshjes”.
Lexo gjithashtu
