Interi ia doli të fitonte me përmbysje ndaj Udineses në kampionat, me zikalteërtit që triumfuan 2-1. Një fitore e vuajtur për skuadrën e Simone Inzaghit, por në fund kanë rëndësi 3 pikët dhe që vazhdojnë të jenë të pamposhtur në kampionat.
Pas ndeshjes Inzaghi do të theksonte se skuadra e tij fitoi një ndeshje të rëndësishme. Gjithashtu ai nënvizoi se në pushim e pjesëve iu kujtoi lojtarëve Romën dhe kjo bëri që ata të jepnin më shumë se maksimumin në pjesën e dytë për të fituar 3 pikët.
“Fituam një ndeshje shumë të rëndësishme për rrugëtimin tonë, në pjesën e parë bëmë disa gabime, por në pushim nuk iu bërtita djemve. Iu thashë vetëm të rrinin të qetë dhe të kujtonin ndeshjen ndaj Romës, se edhe kundër tyre ishim në disavantazh pjesën e parë dhe më e pas e përmbysëm.
I sigurova gjithashtu që kundërshtari kishte shpenzuar shumë energji dhe se në stol kishim shumë lojtarë të gatshëm për të na ndihmuar. U treguam të jashtëzakonshëm, 26 fitore në 31 ndeshje janë shumë domethënëse.
Nuk dua të bëj llogari, do t’i marrim ndeshjet një nga një, tani na pret Cagliari. Mungojnë edhe tetë pikë në shtatë ndeshje për t’u shpallur kampion, ne do të vazhdojmë të punojmë me të gjithë grupin që ecën në të njëjtin drejtim.
Zëvendësuesit na ndihmuan shumë dhe kjo nuk është hera e parë, kur diçka e tillë ndodh do të thotë që skuadra ka shumë harmoni. Djemtë dhanë zemrën në fushë, më emcionojnë gjithmonë. Është diçka e veçantë t’i shohësh që japin gjithçka kur janë në vështirësi”, u shpreh Inzaghi.
Lexo gjithashtu
