Beppe Marotta
Hapësirat në repartin e mesfushës së Interit janë padyshim shumë të vogla për një lojtar të ri. Një prej tyre është dhe Davide Frattesi që nuk po gjen dot një vend titullari në formacionin e Inzaghit.
Ditët e fundit është përfolur se mesfushori italian ka kërkuar largimin nga kampionët e Italisë për t’u transferuar në Premier League. Për t’i dhënë fund këtyre spekulimeve ka folur dhe Presidenti i klubit zikaltër, Beppe Marotta.
“Frattesi është një lojtar profesionist, ai nuk ka kërkuar asnjëherë të transferohet diku tjetër. Në këtë merkato mund të vijnë kërkesa dhe nëse dikush tregon se dëshiron të largohet, duhet ta dëgjojmë. Për momentin nuk ka sinjale nga Frattesi”, shprehet Marotta.
Poll