Milan pas humbjes me Cremonese një javë më parë është rikthyer te fitorja në kampionët. Kuqezinjtë triumfuan ndaj Leccen mbrëmjen e djeshme me shifrat 2-0.
Një fitore e rëndësishme për italianët, të cilët hedhin prapakrahëve humbjen e një jave më parë. Missimiliano Allegri ka folur pas kësaj fitoreje, ku ka theksuar se skuadra sot tregoi durim. Ndër të tjera u bëri “thirrje” futbollistëve që të mos shpërndahen shumë kur nuk e kanë topin në zotërim.
Gjithashtu është shumë e rëndësishme sipas Allegrit që skuadra të mos pësojë gol në ndeshjet e ardhshme që të fitojë siguri dhe stabilitet.
“Në Lecce është gjithmonë e vështirë të luash dhe të fitosh. Bëmë një ndeshje të mirë në aspektin teknik, edhe pse në fazën mbrojtëse duhej të bënim më mirë. Sot ishte e rëndësishme të fitonim për të lëvizur në renditje dhe për të fshirë gabimet kundër Cremonese. Fanella e Milanit nuk të fiton ndeshjet, duhet të luash me intensitet të madh. Sonte treguam durim dhe kjo është pozitive. Kur topin nuk e kemi ne, nuk duhet të hapemi siç ndodhi Cremonese.
Ndryshim moduli? Në vend që të luaja me dy përpara, preferova të shtoja një më shumë në mesfushë që të ishim katër. Me këtë modul mbulojmë mirë fushën dhe kemi më shumë ekuilibër. Duhet të gjejmë siguri dhe kjo gjendet duke mos pësuar gola për disa ndeshje”, ka theksuar timonieri i kuqezinjve.
Lexo gjithashtu
