Kapiteni i Interit, Lautaro Martinez foli për Gazetta dello Sport mbi çështjen e rinovimit të kontratës me zikaltërit. Bomberi argjentinas dhe kryegolashënuesi i Serie A u shpreh se gjithçka është në rregull, nuk ka asnjë problem dhe mungojnë vetëm detajet e fundit për finalizimin e marrëveshjes.
"Ne jemi afër, vetëm nja dy gjëra mungojnë... Unë thashë duhet zgjidhur brenda javës sepse atëherë përfundon kampionati dhe doja të përcaktoja gjithçka përpara Kupës së Amerikës. E kuptoj që situata e e shitjes së klubit mund të vonojë gjithçka. Ne flasim me Marotta dhe Ausilio, por varet edhe nga pronësia e re. Le të presim, nuk e di se çfarë do të ndodhë nga tani dhe javën e ardhshme, por nuk ka probleme mes nesh.
Unë thjesht e konsideroj Interin si shtëpi. E ndjeva pikërisht ashtu që nga dita e parë dhe lidhja me Milanon është gjithashtu e forte. Këtu ka një atmosferë të veçantë, fëmijët e mi rriten këtu, bashkëshortja ime ka një restorant. Këtu unë ndiej dashurinë e njerëzve për gjithçka. Ata ishin pranë meje që në fillim, vetëm falë tyre arrita të bëhem kapiten që është nder dhe përgjegjësi”, tha Lautaro.
Lexo gjithashtu
