
Kyle Walker mbylli aventurën e tij me Manchester City për të nisur një të re në Serie A, ku ka firmosur me Milan. Këta të fundit e morën lojtarin në formë huazimi, me të drejtë blerjë në fund të këtij sezoni.
Ndërkohë që vetë 34 vjeçari ka thënë fjalët e tij të para si “kuqezi”. Walker është shprehur shumë krenar që është bashkuar me Milanin, duke theksuar se këtë klub e ka ndjekur që kur ishte fëmijë. Ndër të tjera, anglezi thotë se është gati për këtë udhëtim si për gjërat që ndodhin në fushë dhe jashtë saj.
“Jam i lumtur dhe krenar që nënshkruaj për Milanin! Një klub me një histori kaq të pasur, të cilin e kam ndjekur që kur isha fëmijë. Është një nder të jem pjesë e këtij klubi. Ka ardhur koha për të veshur fanellën kuqezi dhe për të filluar këtë udhëtim, si brenda dhe jashtë fushës. Shihemi së shpejti”, është shprehur mbrojtësi anglez.