Bruno Conti është padyshim një nga emrat më të dashur në Romë. Ish-lojtari i ‘verdhekuqve’ ka folur së fundmi me klubin e tij të zemrës në një intervistë të dhënë për “Corriere della Sera”. Ai foli për aventurën e tij te Roma, por sigurisht u ndal edhe te De Rossi, për të cilin nuk kursen elozhet.
“Kam realizuar ëndrrën e babait tim, i cili ishte një tifoz i Romës dhe rriti shtatë fëmijë. Luajta, stërvitja, stërvita djemtë e ekipit të parë, isha drejtor teknik dhe drejtor i sektorit të të rinjve. Kur mund të ndihmoja nuk ndalesha.
Asnjë italian nuk e ka fituar Kupën e Botës, Scudetton dhe Champions Leaguen në tre vjet radhazi dhe unë u afrova shumë. Por sporti përbëhet nga gëzime dhe pikëllimë. Ti i mban këto me vete, pasi duhet të pranosh humbjet dhe të reagosh sepse futbolli është i bukur.
De Rossi? Për mua, Daniele ka qenë gjithmoë një trajner, edhe kur ishte në fushë. Ai kishte inteligjencë taktike dhe prandaj ishte i tillë. Pastaj, ai është njeri i madh dhe kurrë banal. Ai mori ekipin në një moment delikat dhe po tregohet se është një trajner i vërtetë, i përgatitur për gjithçka. Jam i lumtur për të”, është shprehur Conti.
Lexo gjithashtu
