Sulmuesi serb ka qenë i pezulluar që nga 18 nëntori për një problem muskulor që pësoi në fund të ndeshjes ndërmjet Serbisë dhe Danimarkës, kur ndjeu një tërheqje në muskujt e kofshës së majtë. Tani, Juventus dhe Thiago Motta janë gati të rikuperojnë sulmuesin për ndeshjen e së shtunës në Allianz Stadium kundër Bolonjës.
Vlahovic është stërvitur normalisht me grupin dhe është në dispozicion. Pas tre barazimeve me Milanin, Aston Villën (pa gola) dhe Lecce (1-1), dhe një emergjence (për shkak të mungesave të Milik dhe Nico Gonzalez), që detyroi Motta të improvizonte sulmin, Juve pret Vlahovic për të rikthyer fitoret.
Vlahovic ka shënuar 9 gola në 16 ndeshje këtë sezon, midis kampionatit dhe Ligës së Kampionëve, dhe para lëndimit me kombëtaren kishte luajtur të gjitha ndeshjet si titullar. Ndërkohë, përsa i përket rinovimit të kontratës, që skadon në qershor 2026, nuk ka asnjë zhvillim. Kontaktet mes klubit dhe agjentëve të lojtarit, të kryera në tetor, nuk kanë sjellë rezultate. Sipas “Gazzetta dello Sport”, klubi dëshiron të rinovojë kontratën duke ulur pagën, e cila aktualisht është 10,5 milionë euro. Kështu, e ardhmja e tij mbetet e pasigurt.
Lexo gjithashtu
