
Inter
Interi ndodhet në një situatë emergjence përsa i përket repartit të mbrojtjes. Në prag të ndeshjes ndaj Cagliarit që do të luhet nesër për javën e 18-të të Serie A, zikaltrit shkojnë pa tre qendërmbrojtësa.
Matteo Darmian, Francesco Acerbi dhe Benjamin Pavard nuk do të jenë nën urdhrat e Inzaghit ndeshjen e nesërme. Edhe pse në organikën e Interit rikthehet Stefan De Vrij nga dëmtimi, Inzaghi do të duhet të mendojë se si do të vendosë nesër treshen e mbrojtjes.
Sipas mediave italiane, trajneri i Interit do të ketë kundër Cagliarit në mbrojtje, Yann Bisseck, De Vrij dhe Bastonin. Ndërsa në zëvendësim mbetet Carlos Augusto dhe i riu Tomas Palacios.
Poll