Interi pasi është shpallur kampion në Serie A është hedhur në “sulm”për të “pikasur” lojtarët e duhur për sezonin e ri. Drejtuesit prej kohësh e kanë vendosur Joshua Zirkzee në “pole-position”, teksa lojtari pëlqehet shumë nga zikaltërtit.
Bologna duke para interesimet ndaj holandezit është e bindur të përfitojë sa më shumë nga shitja e tij. Sipas “La Gazzetta dello Sport” bëhet me dije se Bologna i ka bërë të qartë Interit çmimin e sulmuesit.
Janë jo më pak se 60 milionë euro, shifër kjo që duhet të derdhë Interi në arkat e skuadrës së Bolognas. Po nga i njëjti burim bëhet me dije se drejtori sportiv Ausilio po bën maksimumin që të përfshijë në marrëveshje edhe Fabbian në mënyrë që të ulet çmimi i holandezit. Bisedimet mes palëve vazhdojnë, me lojtarin që ka kontratë deri në qershor të vitit 2026.
Lexo gjithashtu
