Mbrëmjen e sotme Juventusi do të presë në Torino skuadrën e Milanit në sfidën e vlefshme për javën e 6-të të kampionatit italian. Një supersfidë kjo mes dy ekipeve pretendente për titullin kampion.
Mirëpo, për legjendën e Juventusit Alessandro Del Piero ka vetëm një favorit, ai është Milani. Në një intervistë për “Gazzetta dello Sport”, ikona e bardhezinjve është shprehur se kuqezinjtë janë pretendentë këtë sezon.
“Milani është një pretendent për titullin kampion. Kjo sepse ata luajnë vetëm në kampionat, gjë që i lejon ata të përgatiten shumë mirë për fundjavën dhe të kenë lojtarë fizikisht t gatshëm. Gjithashtu Milani ka cilësi në ekip, jo vetëm Rabiot, por edhe Modric, Leao, Saelemaekers... Kuqezinjtë janë një ekip i strukturuar mirë”, u shpreh Del Piero.
Lexo gjithashtu
